बिहीबार बसेको मन्त्रिपरिषद् बैठकले के के गर्‍यो निर्णय ?

काठमाडौं- सरकारले शिक्षा नियमावलीको दशौँ संशोधनसहित विभिन्न महत्वपूर्ण नीति, नियुक्ति तथा सरुवाका निर्णयहरू स्वीकृत गरेको छ। बिहीबार सिंहदरबारमा बसेको मन्त्रिपरिषद् बैठकले प्रशासनिक तथा नीतिगत सुधारका क्षेत्रमा दूरगामी प्रभाव राख्ने आधा दर्जनभन्दा बढी निर्णयहरू गरेको हो। बैठकले शिक्षा क्षेत्रको सुधारका लागि ‘शिक्षा दशौँ संशोधन नियमावली २०८३’ लाई आधिकारिक रूपमा स्वीकृति प्रदान गर्ने निर्णय गरेको छ। यसका साथै श्रम र सदाचारका क्षेत्रमा नयाँ व्यवस्था लागू गर्दै सरकारले ‘कमैया श्रम निषेध गर्ने सम्बन्धी पहिलो संशोधन नियमावली २०८३’ का साथै ‘राष्ट्रिय सदाचार नीति २०८३’ र ‘राष्ट्रिय विज्ञापन नीति २०८३’ लाई समेत अनुमोदन गरेको छ।