विष्णु पौडेलविरुद्ध थप ६ दिन म्याद थप

काठमाडौँ- सम्पत्ति शुद्धीकरणसम्बन्धी मुद्दामा अनुसन्धानका लागि पक्राउ परेका नेकपा एमालेका उपाध्यक्ष विष्णु पौडेललाई थप ६ दिन हिरासतमा राख्न विशेष अदालतले अनुमति दिएको छ।

विशेष अदालतका न्यायाधीश हेमन्त रावल, डिल्लीरत्न श्रेष्ठ र उमेश कोइरालाको संयुक्त इजलासले बिहीबार अनुसन्धानका लागि तेस्रोपटक ६ दिनको म्याद थप गर्ने आदेश दिएको हो।