मोबाइल नपाएपछि आफ्नै परिवारका सदस्यलाई फसाउन युवकले गरे छिमेकीको हत्या

रौतहट : गत असार १ गते सर्लाहीको बसबरिया गाउपालिका–१ मानपुर गाउँमा सुतिरहेका बेला घाँटी रेटेर एक ५२ बर्षीय व्यक्तिको हत्या गर्ने आरोपितलाई प्रहरीले सार्वजनिक गरेको छ । जिल्ला प्रहरी कार्यालय सर्लाहीले बुधबार पत्रकार सम्मेलनमार्फत हत्या आरोपमा पक्राउ परेका बसबरिया गाउँपालिका–१ मानपुर निवासी २५ वर्षीय सन्तोषकुमार रायलाई सार्वजनिक गरेपछि घटनाले सामाजिक अपराध र हत्या जस्ता अपराध गर्ने ठूलो कारण नचाहिने देखाएको छ ।

प्रहरीको प्रारम्भिक अनुसन्धानमा मोबाइलको विषयमा भएको विवाद, पैसा नदिएको रिस तथा परिवारले सुधार केन्द्र पठाउने भन्दै तयारी समेत थाएकाले आक्रोशमा आएर रायले हत्या गरेको खुलेको सर्लाही प्रहरी प्रमुख एवम प्रहरी उपरीक्षक रबिन्द्रनाथ पौडेलले जानकारी दिए । आफ्नै घरमा सुतिरहेका ५३ वर्षीय होसनारायण राय यादवमाथि धारिलो हतियार प्रहार गरी हत्या गरेर आफ्नै परिवारका सदस्यलाई फसाउने योजना गरेर हत्या गरेको उपरीक्षक पौडेलले जानकारी दिए ।