विष्णु पौडेललाई पक्राउ पुर्जी गर्ने कागजात नै अवैध भएको कानुन व्यवसायीहरूको जिकिर

काठमाडौँ । नेकपा एमालेका उपाध्यक्ष विष्णु पौडेलको बन्दी प्रत्यक्षीकरण रिटमा कानुन व्यवसायीहरूले पक्राउ पुर्जी गर्ने कागजात नै अवैध भएको जिकिर गरेका छन् । बिहीबार विशेष अदालतमा भएको पौडेलको बन्दी प्रत्यक्षीकरण रिटको सुनुवाइमा कानुन व्यवसायीहरूले सो जिकिर गरेका हुन् ।

वरिष्ठ अधिवक्ता शम्भु थापाले विष्णु पौडेलको नाम अभियोग पत्रमा प्राविधिक बाहेक कतै नभेटिएको जिकिर गरे । उनले सहजीकरण गरेको भन्ने आधारमा मात्रै सम्पत्ति शुद्धीकरण हुन नसक्ने बताए ।