अन्तर प्रदेश चल्ने सवारीको भाडा २ प्रतिशतले घट्यो

सरकारले अन्तर प्रदेश सञ्चालन हुने सार्वजनिक यात्रुवाहक तथा मालवाहक सवारी साधनको भाडा २ प्रतिशतले घटाएको छ। यातायात व्यवस्था विभागले इन्धनको मूल्य घटेसँगै बिहीबार देखि लागू हुने गरी नयाँ भाडादर समायोजन गरेको हो।

विभागका अनुसार दुई वा सोभन्दा बढी प्रदेश भई राष्ट्रियस्तरका रूटमा सञ्चालन हुने यात्रुवाहक सवारी, पहाडी बाटोमा चल्ने मालवाहक सवारी र तराईको बाटोमा सञ्चालन हुने मालवाहक सवारी साधनको भाडादरमा समान २ प्रतिशतले कटौती गरिएको छ।