तपाईँको घरदैलोमा पासपोर्ट र लाइसन्स पुर्‍याउन सरकारले १०० दिनमा गरेका काम र देखिएका समस्या

नयाँ सरकारले सत्ता सम्हालेयता ५,७०० भन्दा बढी राहदानी र १,००० भन्दा बढी सवारी चालक अनुमतिपत्र नागरिकका घरदैलोमा पुर्‍याइसकेको बताइरहँदा सरकारी कुरिअर सेवाका रूपमा हुलाक अझ सुदृढ बनाउन प्रत्येक वडामा हल्कारा चाहिने हुलाक सेवा विभागकी महानिर्देशकले बताएकी छन्।

अहिले हुलाक सेवा विभागसँग ४,६१९ जनाको दरबन्दी छ। त्यसबाहेक स्थानीय सरकारसँगको समन्वयमा दैनिक झन्डै ५,००० अतिरिक्त हुलाकीहरूले दैनिक दुई घण्टा पालिका हुलाकमा काम गरिरहेका छन्।