मन्त्रालयमा पाँचमध्ये एकमात्र वैतनिक सल्लाहकार

काठमाडौँ । शिक्षा तथा खेलकुदमन्त्री सस्मित पोखरेलले मन्त्रालयमा सल्लाहकार नियुक्तिलाई लिएर उठेका प्रश्नहरूको स्पष्टीकरण दिँदै नियुक्त भएका पाँचजना सल्लाहकारमध्ये एक जना मात्र वैतनिक रहेको दाबी गरेका छन्।

सरकारले देशव्यापी रूपमा खर्च कटौतीको नीति अवलम्बन गरिरहेको सन्दर्भमा मन्त्रालयमा सल्लाहकार भर्ना गरिएको भन्दै आलोचना भएपछि उनले यस्तो स्पष्ट पारेका हुन्।