त्रिशूली–३ ‘ए’ को सुरुङ प्रवेश क्षेत्रमा २० हजार घनमिटर लेदो तथा भग्नावशेष हटाइयो

त्रिशूली–३ ‘ए’ जलविद्युत् आयोजनाको केबल डक्ट टनेलको प्रवेशद्वार क्षेत्रमा उद्धार तथा सरसफाइको काम तीव्र रूपमा अघि बढाइएको छ।

आयोजनामा खटिएका प्राविधिक इञ्जिनियर श्रीराम न्यौपानेका अनुसार हालसम्म १६० मिटर लामो सुरुङको मुखको निकास क्षेत्रमा रहेका दुई दर्जनभन्दा बढी ठूला बोल्डर विस्फोट गरी हटाइएको हो।