सबै कुरा शून्यबाट सुरु हुँदैछ, तत्काल विज्ञान प्रविधि तथा नवप्रवर्तन ऐन ल्याउँछु : महावीर पुन

काठमाडौं : विज्ञान प्रविधि तथा नवप्रवर्तनमन्त्री महावीर पुनले मन्त्रालयमा सबै कुरा शून्यबाट सुरु हुन लागेको बताएका छन्। आज सामाजिक सञ्जालमार्फत उनले अरु मन्त्रालय जस्तो सबै कुरा तयारी अवस्थामा नभएकाले तत्काल विज्ञान प्रविधि तथा नवप्रवर्तन ऐन ल्याउन विधेयक बनाउने निर्णय गरेको जानकारी गराएका हुन्।

‘पहिलो दिन चालेको कदमहरु - विज्ञान प्रविधि तथा नवप्रवर्तन मन्त्रालयमा सबै कुरा शून्यबाट सुरु हुँदैछ । यो मन्त्रालय चलाउन अरु अरु मन्त्रालय जस्तो सबै कुरा तयारी अवस्थाका छैन। सर्वप्रथम विज्ञान प्रविधि तथा नवप्रवर्तन ऐन ल्याउन विधेयक बनाउने निर्णय गरियो’ पुनले लेखेका छन्।