भारतीय पाहुनाको हिस्सा ४६ प्रतिशत

भारतीय पर्यटक आगमनमा नयाँ रेकर्ड कायम गर्दै यो जुन महिनामा ९१ हजार ३ सय ६३ जना विदेशी पाहुना हवाई माध्यमबाट नेपाल भित्रिएका छन्। जुन महिनामा नेपाल भित्रिएका भारतीय पर्यटकको संख्या मात्र ४१ हजार ८ सय ९ रहेको छ। भारतीय पर्यटकको आगमनको यो संख्याले जुन महिनामा नेपाल भित्रिएका विदेशी पाहुनाको संख्याको झन्डै ४६ प्रतिशत हिस्सा ओगट्ने पर्यटन बोर्डको भनाई छ।

अघिल्लो महिना (२०२६ मे) महिनामा नेपालमा हवाई माध्यमबाट भित्रिएका भारतीय पर्यटकको संख्या मात्र ४० हजार ७ सय ८२ थियो। त्यो संख्यालाई पनि उछिन्दै जुन महिनामा नेपाल भित्रिने भारतीय पर्यटकको संख्या बढेर झन्डै ४२ हजार पुगेको पर्यटन बोर्ड गण्डकीका वरिष्ठ निर्देशक मणिराज लामिछानेले बताए। ‘महिनाको आगमनको आकारले भारतीय पाहुनाको संख्या यो नै सबैभन्दा बढी हो,’ लामिछानेले भने, ‘भारतीयका लागि नेपाल नजिकको र सहजको गन्तव्य बनेको छ। हवाई र स्थल दुवै मार्गबाट अहिले नेपालमा भारतीय पाहुनाको आगमन बढ्यो।’