भोटेकोशी बाढीपछि पालुङटारमा बिहीबार शोक बिदा

गोरखाको पालुङटार नगरपालिकाले बिहीबार शोक बिदा दिने निर्णय गरेको छ। रसुवा जिल्लाको भोटेकोशी नदीमा आएको बाढीपहिरोमा परी पालुङटार नगरपालिकाका गोसाइँकुण्ड तीर्थयात्री केही बेपत्ता तथा केहीको शव फेला परी दाहसंस्कारसमेत भइसकेपछि नगरपालिकाले बिहीबार शोक बिदा दिने निर्णय गरेको हो।

नगरपालिकाले जारी गरेको शोक विज्ञप्तिअनुसार गत साउन १० गते रसुवाको भोटेकोशी क्षेत्रमा आएको बाढीपहिरोमा परी पालुङटार नगरपालिकाका विभिन्न वडाबाट गोसाइँकुण्ड तीर्थयात्रामा गएका यात्रु प्रभावित भएका थिए। उनीहरूमध्ये केहीको शव फेला परी दाहसंस्कार गरिएको र केही अझै बेपत्ता रहेकाले बिहीबार शोक बिदा दिइएको नगरपालिकाले जनाएको छ।