औषधि थोक विक्रेताले प्रमाणपत्र नवीकरण गर्दा लिखित सम्झौता अनिवार्य बुझाउनुपर्ने

काठमाडौँ। पछिल्लो समय नक्कली तथा मिसावटयुक्त औषधिहरूको बिक्री वितरण बढ्दै गएको र बजारबाट त्यस्ता औषधिहरू न्यून परिमाणमा मात्र फिर्ता हुने गरेको पाइएको भन्दै औषधि व्यवस्था विभागले कडा कदम चालेको छ।

विभागका अनुसार नक्कली र मिसावटयुक्त औषधिको सेवनले जनस्वास्थ्यमा नकारात्मक असर पर्न सक्ने भन्दै अबदेखि सबै स्वदेशी उत्पादक तथा पैठारीकर्ताले आफ्ना आधिकारिक थोक विक्रेतासँग लिखित सम्झौता गर्नुपर्ने छ।