चितवनको चेपाङ बस्तीमा ज्ञान केन्द्र

काठमाडौँ। उच्च शिक्षाको अध्ययन पुरा गरेपछि चितवन, राप्ती नगरपालिका-११, कोराक जिमलिङका विश्वास चेपाङको सपना थियो, गाउँमा ज्ञान केन्द्र निर्माण गरेर समुदायको मौलिक ज्ञान, संस्कृति, परम्परा तथा जीवनशैलीको संरक्षण, प्रवर्द्धन र पुस्तान्तरण गर्ने।

हालै आफ्नै गाउँमा ज्ञान केन्द्रको भवन निर्माण गर्न सफल भएपछि उनको सपनाले सार्थक रुप लिन थालेको छ। उनैले दानको गरेको एक कठ्ठा जग्गामा निर्मित भवन १६ असारमा उद्घाटन गरिएको छ। केन्द्रलाई चेपाङ केन्द्रित अध्ययन तथा अनुसन्धानको थलोका रुपमा विकास गर्ने लक्ष्य रहेको चेपाङ बताउँछन्।