‘रास्वपा संघीयता खारेजीको पक्षमा छैन, प्रत्यक्ष निर्वाचित कार्यकारीमा एकमत छ’

काठमाडौँ । राष्ट्रिय स्वतन्त्र पार्टी (रास्वपा)का प्रभावशाली र वैचारिक नेता गणेश पराजुली स्थापनाकालदेखि नै पार्टीमा सक्रिय छन् । स्पष्ट वक्ता, शान्त स्वभाव र तार्किक क्षमताका धनी पराजुली अहिले रास्वपा संसदीय दलको उपनेता र केन्द्रीय सदस्यको जिम्मेवारीमा छन् ।

भर्खरै सम्पन्न महाधिवेशनमा उनी भारी मतका साथ केन्द्रीय सदस्यमा विजयी भए । पार्टीभित्र उनलाई विवादरहित र सबैलाई मिलाएर लैजान सक्ने नेताका रूपमा चिनिन्छ ।