वरिष्ठ अधिवक्ता टीकाराम भट्टराईको बहस: सरकार गठन र प्रतिनिधिसभा विघटन दुवै असंवैधानिक

वरिष्ठ अधिवक्ता टीकाराम भट्टराईले सरकारमाथि उठेकाले निर्वाचन हुन नसक्ने जिकिर गरेका छन्। प्रतिनिधि सभा विघटनविरुद्धको मुद्दामा रिट निवेदकहरू आयुष ढकाल, विपिन ढकाल र प्रकाश भुजेलको पक्षबाट बहस गर्दै भट्टराईले प्रधानमन्त्रीको नियुक्तिको वैधतामा प्रश्न उठाएका हुन्।

'सरकार गठनको वैधताको प्रश्न नै प्रारम्भिक प्रश्न भएको हुनाले त्यो प्रश्नको निरुपण नभई निर्वाचन हुन सक्दैन। किनभने सरकार गठन नै संवैधानिक हो कि असंवैधानिक हो भन्ने प्रश्न उठेको छ। असंवैधानिक सरकारले निर्वाचन पनि गराउन सक्दैन भन्ने निवेदकको माग र हाम्रो दलिल पनि त्यही भएकाले यसको निरूपण जतिसक्दो चाँडो हुनुपर्छ,' उनले भने।