मुलुकको अर्थतन्त्र : बाह्य सूचक बलियो, निजी क्षेत्रको गतिविधि भने सुस्त

काठमाडौं- नेपालको बाह्य अर्थतन्त्रका प्रमुख सूचकहरू यतिबेला सुदृढ देखिएका छन्। रेमिट्यान्स आप्रवाह, विदेशी विनिमय सञ्चिति, शोधनान्तर स्थिति र चालु खातामा उल्लेखनीय सुधार देखिएसँगै बाह्य क्षेत्र थप मजबुत बनेको हो। तर, यसको सकारात्मक प्रभाव आन्तरिक अर्थतन्त्रमा अपेक्षित रूपमा देखिन सकेको छैन।

नेपाल राष्ट्र बैंकले सार्वजनिक गरेको चालु आर्थिक वर्षको वैशाख मसान्तसम्मको आर्थिक तथा वित्तीय प्रतिवेदनअनुसार रेमिट्यान्स आप्रवाह ४१.२ प्रतिशतले बढेर १९ खर्ब १६ अर्ब ९० करोड रुपैयाँ पुगेको छ। गत वर्षको सोही अवधिमा रेमिट्यान्स वृद्धिदर १३.३ प्रतिशत मात्र थियो। अमेरिकी डलरमा रेमिट्यान्स ३३ प्रतिशतले बढेर २४ अर्ब १९ करोड डलर पुगेको छ।