अमेरिकाद्वारा नेपाललाई दुई खेप मानवीय सहायता

नेपालमा भदौ १० गते आएको विनाशकारी भोटेकोशी हिमबाढीपछि संयुक्त राज्य अमेरिकाले नेपाललाई थप मानवीय तथा विपत् प्रतिकार्य सहायता उपलब्ध गराउने क्रम जारी राखेको छ।

नेपालको नेतृत्वमा भइरहेको खोज, उद्धार तथा राहत वितरण कार्यमा सहयोग पुर्‍याउन अमेरिकी सेनाका दुईवटा कार्गो विमानमार्फत विपत् प्रभावितका लागि आपत्कालीन राहत सामग्री बुधबार नेपाल आइपुगेको हो।