विश्व शक्ति संघर्षले नयाँ युद्धको खतरा बढायो : मोहनविक्रम सिंह

काठमाडौं । अखिल नेपाल बुद्धिजीवी सङ्घद्वारा काठमाडौंमा आयोजित ‘वर्तमान विश्वमा युद्ध र शान्तिका समस्याहरू’ विषयक अन्तरक्रिया कार्यक्रममा नेकपा (मसाल) का महामन्त्री मोहनविक्रम सिंहले प्रस्तुत गरेको अवधारणापत्र सार्वजनिक गरिएको छ ।

कार्यक्रममा प्रमुख अतिथि तथा अन्तर्राष्ट्रिय सहभागीहरूलाई स्वागत गर्दै अवधारणापत्रमा वर्तमान विश्व परिस्थितिलाई अत्यन्त तनावपूर्ण र द्वन्द्वग्रस्त भएको उल्लेख गरिएको छ । युक्रेन, गाजा, सुडान, म्यानमार, अफगानिस्तान लगायतका क्षेत्रमा जारी युद्ध र द्वन्द्वहरू तथा ताइवान, तिब्बत, भारत–पाकिस्तान सीमा क्षेत्र र भारत–चीन सीमामा देखिएको तनावले विश्वव्यापी सुरक्षा अवस्था जटिल बन्दै गएको टिप्पणी गरिएको छ ।