हप्तामा दुई दिन बिदा दिने व्यवस्था हटाउन माग

काठमाडौं । एमालेका सांसद लक्ष्मीप्रसाद पोखरेलले हप्तामा दुई दिन बिदा दिने व्यवस्था हटाउन माग गरेका छन् । आजको प्रतिनिधिसभा बैठकमा उनले आइतबार पनि बिदा दिँदा सेवाग्राहीलाई अफ्ठ्यारो भएको बताए ।

“सेवाग्राहीलाई कति मर्का पारेको छ ? सरकारसँग त्यसको कुनै हिसाब छ ? एक वर्षमा कति दिन बिदामा बस्नुपर्छ ?” उनले भने, “त्यसैले यसमा पनि क्रमभंग गर्न खोजेको हो भने शनिबार खोलेर आइतबार मात्रै बिदा दिँदा पनि राम्रो हुन्छ ।”