नातेदारको डुब्न लागेको मेडिकल कलेज जोगाउन शेरचनले फर्जी कम्पनीलाई दिएका थिए करोडौं कर्जा

काठमाडौं । प्रभु बैंकका तत्कालीन प्रमुख कार्यकारी अधिकृत (सीईओ) अशोक शेरचनको प्रत्यक्ष संलग्नतामा झण्डै ६० करोड रुपैयाँ बराबरको कर्जा दुरुपयोग भएको दाबीसहित उच्च अदालत पाटनमा अभियोगपत्र दायर गरिएको छ ।

सरकारी वकील कार्यालयले नेपाल प्रहरीको केन्द्रीय अनुसन्धान ब्युरो (सीआईबी) र नेपाल राष्ट्र बैंकको विज्ञ टोलीले तयार पारेको अनुसन्धान प्रतिवेदनका आधारमा जानकी मेडिकल कलेजका अध्यक्ष ओमप्रकाश पाण्डेसहित १२ जनालाई प्रतिवादी बनाउँदै कर्जा दुरुपयोगमा बैंकिङ कसुरको मुद्दा दायर भएको हो ।