गृहमन्त्री गुरुङको गुनासो– मन्त्रालयमा बजेट कम भयो

काठमाडौं । गृहमन्त्री सुधन गुरुङले गृह मन्त्रालयका निम्ति विनियोजित बजेट अपर्याप्त भएको गुनासो गरेका छन् । बिहीबार (जेठ २८) सिंहदरबारमा बसेको प्रतिनिधिसभाअन्तर्गतको राज्यव्यवस्था तथा सुशासन समितिको बैठकमा उनले यस्तो गुनासो गरेका हुन् ।

उनले प्रभावकारी कार्यसम्पादनका निम्ति बजेट वृद्धि गरिनुपर्नेमा जोड दिए । सुशासन कायम, विपद् व्यवस्थापन तथा लागुऔषध नियन्त्रणजस्ता गम्भीर विषयमा काम गर्न मन्त्रालयलाई स्रोतको अभाव रहेको उनले उल्लेख गरे ।