अब को हुँदैछन् मुख्यसचिव ?

अबको एक सातापछि वर्तमान मुख्यसचिव सुमनराज अर्याल अनिवार्य अवकाशमा जाँदैछन्। त्यसपछि निजामती सेवाको सबैभन्दा माथिल्लो पद मुख्यसचिवमा को नियुक्त हुन्छ भन्ने विषय कर्मचारी वृत्तमा चर्चा र चासोको केन्द्र बनेको छ।

वर्तमान मुख्यसचिव अर्याल असार २५ गतेसम्म पदमा रहनेछन्। त्यसको भोलिपल्टै उनी अवकाशमा जानेछन्। अर्याल २०८२ मंसिर ८ गते मुख्यसचिव नियुक्त भएका थिए। त्यसैले उनले करिब आठ महिनासम्म मुख्यसचिवका रूपमा काम गर्ने अवसर पाए। ५८ वर्ष उमेर हदका कारण उनी अनिवार्य अवकाशमा जान लागेका हुन्।