बालबालिकाको खेल्ने अधिकार कागजमै सीमित त छैन ?

‘बालबालिकाहरू खेल्दै जाँदा सिक्छन् । सबैभन्दा महत्त्वपूर्ण कुरा, खेलमा बच्चाहरूले कसरी सिक्ने भनेर सिक्छन् ।’ –ओ. फ्रेड डोनाल्डसन

११ जुन अन्तर्राष्ट्रिय खेल दिवस हो । संयुक्त राष्ट्रसंघले सन् २०२४ देखि औपचारिक मान्यता दिएको यस दिवसले विश्वभरका बालबालिकाको खेल्ने अधिकार र खेलको महत्त्वलाई स्मरण गराउँछ । खेल केवल मनोरञ्जनको माध्यम मात्र होइन, बालबालिकाको समग्र विकास, सिकाइ र स्वस्थ बाल्यकालको आधार हो भन्ने सन्देश यस दिवसले दिन्छ ।