रामकुमारी झाँक्रीले भनिन्, ‘त्रसाएर शासन गर्ने दिन जान्छन्’

काठमाडौँ । नेकपा (एमाले) की सांसद रामकुमारी झाँक्रीले नेपाल इन्भेष्टमेण्ट मेगा बैंकका प्रमुख कार्यकारी अधिकृत (सीईओ) ज्योति प्रकाश पाण्डेलाई बिना कसुर पक्राउ गरेर सरकारले निजी क्षेत्रलाई आतङ्कित बनाउने कार्य गरेको आरोप लगाएकी छन्।

सोमबार राष्ट्रिय सभाको बैठकमा बोल्दै उनले यस्तो आरोप लगाएकी हुन्। रिसेड्युल एसेट र लिक्विडेसनसम्बन्धी विषयमा प्रचलित कानून तथा बैंकिङ प्रणालीको मर्म नबुझी बैंकका सीईओमाथि आक्षेप लगाएर पक्राउ गर्नु कानूनको मर्मविपरीत रहेको भन्दै उनले निन्दा गरेकी हुन्।