सोफिया बनिन् ‘टेकस्किल्स आईटी स्कलरसीप ग्रान्ड फिनाले २०२६’ को विजेता

काठमाडौं । सोफिया तामाङले ‘टेकस्किल्स आईटी स्कलरसीप ग्रान्ड फिनाले २०२६’ को उपाधि जितेकी छन् । काठमाडौंस्थित नेपाल पुलिस क्लब हल, भृकुटीमण्डपमा आयोजित ग्रान्ड फिनाले कार्यक्रममा उनले उत्कृष्ट प्रदर्शन गर्दै विजेता बन्न सफल भएकी हुन् ।

प्रतियोगिताको अन्तिम चरणमा पुगेका ६ प्रतिस्पर्धीबीच विभिन्न सूचना प्रविधि (आईटी) सम्बन्धी चुनौतीपूर्ण कार्यहरूमा आधारित प्रतिस्पर्धा भएको थियो । ती प्रतिस्पर्धामध्ये उत्कृष्ट प्रदर्शनका आधारमा सोफिया तामाङ विजेता घोषित भएकी हुन् ।