बैंकिङ क्षेत्र : तरलता, चुनौती र निकास

सन्तोष कोइराला

नेपाली बैंकिङ क्षेत्र अहिले बाह्य रूपमा मजबुत तर आन्तरिक रूपमा सुस्त र चुनौतीपूर्ण अवस्थामा छ । प्रणालीमा करिब १३ खर्ब रुपैयाँ लगानीयोग्य रकम थुप्रिए पनि निजी क्षेत्रको आत्मविश्वास खस्कँदा कर्जा माग बढ्न सकेको छैन । चालू आर्थिक वर्षको तेस्रो त्रैमासको वित्तीय विवरणले बैंकहरूको बाह्य संरचना बलियो देखाए पनि आन्तरिक रूपमा खराब कर्जा र प्रोभिजनिङको दबाब स्पष्ट पारेको छ ।