शशि थरुरको प्रश्न : यदि पासपोर्टले पनि नागरिकता प्रमाणित गर्दैन भने कुन दस्तावेजले गर्छ ?

१२ असार, काठमाडौं । भारतीय राष्ट्रिय कांग्रेसका सांसद शशि थरुरले पासपोर्ट विवादलाई लिएर सरकारमाथि गम्भीर प्रश्न उठाएका छन्। हालै विदेश मन्त्रालयले ‘भारतीय पासपोर्ट मुख्य रूपमा एउटा यात्रा दस्तावेज मात्र भएको र यो नागरिकताको अन्तिम प्रमाण नभएको’ भनी जारी गरेको बयानप्रति टिप्पणी गर्दै थरुरले यदि पासपोर्टले नागरिकता प्रमाणित गर्दैन भने कुन दस्तावेजले गर्छ भन्दै प्रश्न गरेका हुन्।

सांसद थरुरले सामाजिक सञ्जाल एक्समार्फत एक बयान जारी गर्दै विदेश मन्त्रालयको यो भनाइले आम जनतामा भ्रम र ठूलो राजनीतिक बहस सिर्जना गरेको बताएका छन्। सरकारले यो कुनै नयाँ व्यवस्था नभई पासपोर्ट ऐन, १९६७ को धारा २० मा आधारित पुरानै कानुनी प्रावधान भएको स्पष्टिकरण दिए पनि आम नागरिकका लागि यस्तो कानूनी भिन्नताले व्यावहारिक रूपमा कुनै अर्थ नराख्ने थरुरको तर्क छ।