केन्यामा विमानस्थल स्तरोन्नति परियोजनाबाट अडानी हटेपछि चिनियाँ कम्पनीले पायो ठेक्का

एजेन्सी । भारतीय व्यापारिक घराना अडानी समूहसँगको सहुलियत सम्झौता रद्द भएको दुई वर्षपछि केन्याले आफ्नो सबैभन्दा ठूलो विमानस्थलको स्तरोन्नतिका लागि चिनियाँ कम्पनीलाई छनोट गरेको यस मामिलासँग परिचित व्यक्तिहरूले बताएका छन् ।

कुल २.९ अर्ब डलर लागतको जोमो केन्याटा अन्तर्राष्ट्रिय विमानस्थलको स्तरोन्नति र विस्तार गर्नका लागि चाइना कम्युनिकेसन कन्स्ट्रक्सन कम्पनी (सीसीसीसी) लाई इन्जिनियरिङ, खरिद र निर्माणको ठेक्का दिइएको छ । यस विषयमा कुरा गर्न आधिकारिक अनुमति नभएकाले आफ्नो पहिचान गोप्य राख्न आग्रह गर्दै ती व्यक्तिहरूले सो जानकारी दिएका हुन् ।