विपत्तिमा कलाकारको हातेमालो : राहत कोषमा झन्डै ८७ लाख सहयोग

देश बाढी तथा प्राकृतिक विपत्तिको चपेटामा परिरहेका बेला नेपाली चलचित्र तथा संगीत क्षेत्रका कलाकारहरू राहत र उद्धार अभियानमा सक्रिय भएका छन्। केही कलाकारले प्रधानमन्त्री दैवी प्रकोप उद्धार कोषमा आर्थिक सहयोग गरेका छन् भने केही प्रभावित क्षेत्रमै पुगेर पीडितको उद्धार तथा राहत वितरणमा सहभागी भएका छन्।

कलाकारहरूले आफ्नो क्षमता र सामर्थ्यअनुसार सहयोग गरिरहेका छन्। सार्वजनिक गरिएको विवरणअनुसार कन्दरा ब्याण्डका विवेक श्रेष्ठले सबैभन्दा बढी २१ लाख रुपैयाँ सहयोग गरेका छन्। गायक सुशान्त केसीले १० लाख रुपैयाँ तथा पारस बम ठकुरी ‘कुल ब्वाय’ र जोन एन्ड द लोकल्स ब्याण्डले ५–५ लाख रुपैयाँ प्रदान गरेका छन्।