‘बढी मानवीय क्षति भएको ठाउँ उद्धारको प्राथमिकतामै परेन’

म भदौ १० गते बिहान साढे ८ बजे नै विद्यालय आइसकेको थिएँ। कार्यालयमा काम गर्दै थिएँ, विद्यालयका बस चालक आएर बाढी आएको खबर सुनिएको बताउनुभयो । के भएको रहेछ, बुझ्न उहाँले आग्रह गर्नुभयो। मोबाइल हेर्दा त्यतिबेला खासै सूचना देखिएको थिएन।

त्यसपछि मैले स्याफ्रुबेसीमा रहेका शिक्षक साथीलाई फोन गरेर बाढीको अवस्था बुझें । उहाँले ‘स्याफ्रुबेसी बजार बाढीले लगिसक्यो, सतर्क हुनुस्’ भन्नुभयो।