प्रतिनिधिसभामा दुई अन्तरराष्ट्रिय सम्झौता पेस

काठमाडौँ, १८ भदौः प्रतिनिधिसभामा दुई अन्तरराष्ट्रिय सम्झौता पेस गरिएको छ । सभाको आजको बैठकमा ऊर्जा जलस्रोत तथा सिँचाइमन्त्री विराजभक्त श्रेष्ठले नेपाल भारतबीच दीर्घकालीन विद्युत् व्यापार गर्नेसम्बन्धी सम्झौता पेस गर्नुभयो ।

नेपाल सरकार र भारत सरकारबीच भएको दीर्घकालीन विद्युत् व्यापार सम्झौता जानकारीका लागि प्रतिनिधिसभासमक्ष पेस गरिएको हो । मन्त्री श्रेष्ठले सम्झौताले नेपाल र भारतबीच विद्युत्को दीर्घकालीन व्यापारका लागि पारस्परिक रूपमा लाभदायक प्रबन्धहरूलाई प्रोत्साहन गर्न आवश्यक कदम चाल्न सहयोग पुग्ने विश्वास व्यक्त गर्नुभयो ।