पोर्चुगल र क्रोएसियाबिचको पहिलो हाफ गोलरहित बराबरीमा सकियो

काठमाडौँ । फिफा विश्वकपको 'राउन्ड अफ ३२' अन्तर्गत पोर्चुगल र क्रोएसियाबिचको खेलको पहिलो हाफ गोलरहित बराबरीमा सकिएको छ। क्यानडाको टोरन्टो स्टेडियममा जारी खेलमा पोर्चुगलले बलमाथि ७० प्रतिशत नियन्त्रण जमाए पनि गोलको खाता खोल्न भने नसकेको हो ।

खेलको सुरुवाति ४५ मिनेटमा पोर्चुगलले क्रोएसियामाथि निरन्तर दबाब सिर्जना गरेको थियो। खेलको ३३ औँ मिनेटमा ब्रुनो फर्नान्डेजको प्रहारलाई क्रोएसियाली गोलकिपर डोमिनिक लिभाकोभिचले उत्कृष्ट बचाउ गरे। त्यसैगरी, जोआओ क्यान्सेलोको क्रसमा क्रिस्टियानो रोनाल्डोले गोल गर्ने सुवर्ण अवसर पाएका थिए, तर उनले बललाई सही दिशा दिन सकेनन्।