लुम्बिनीमा ११ महिनामा झण्डै पाँच हजार दुर्घटना, ५३६ जनाको मृत्यु

गत वैशाख १७ गते रोल्पाको जलजलामा १२ सिटे सफारी जिप दुर्घटना हुँदा २० जनाको मृत्यु भयो भने एक जना घाइते भए। लु १ ज ४१६७ नम्बरको जिपमा चालकसहित २१ जना सवार थिए। दुर्घटनामा मृत्यु भएकामध्ये ११ जना एउटै परिवारका सदस्य तथा आफन्त थिए।

कच्ची र चिप्लो सडकमा थोत्रो भइसकेको जिपमा क्षमताभन्दा बढी यात्रु बोकेकै कारण २० जनाले ज्यान गुमाएका हुन्। प्रहरीका अनुसार दुर्घटनाग्रस्त जिप १७ वर्ष पुरानो थियो र फोर–ह्वील प्रणालीसमेत नभएको पाइएको छ।