किभमा रुसको भीषण हवाई आक्रमण, मृत्यु हुनेको संख्या २७ पुग्यो

किभ । रुसले बिहीबार बिहानै युक्रेनको राजधानी किभमा सयौँ ड्रोन र दर्जनौँ मिसाइल प्रहार गरेको छ। यस वर्षकै सबैभन्दा घातक मानिएको यस आक्रमणमा परी कम्तीमा २७ जनाको मृत्यु भएको छ भने दर्जनौँ घाइते भएका छन्।

आक्रमणका कारण करिब १३० वटा भवनमा क्षति पुगेको छ। मध्यरातभरि भएका शृङ्खलाबद्ध विस्फोटका कारण किभ सहर थर्किएको थियो भने हजारौँ बासिन्दा ज्यान जोगाउन बम सेल्टर र भूमिगत मेट्रो स्टेसनतर्फ भागेका थिए। आक्रमणपछि आकाशमा धुवाँको ठुलो मुस्लो देखिएको थियो।