ओयारजाबालको दुई गोल, यामालको चमकमा स्पेन अन्तिम १६ मा, अस्ट्रिया ३-० ले पराजित

काठमाडौं- युरोपियन च्याम्पियन स्पेनले फिफा विश्वकप २०२६ को नकआउट चरणमा प्रभावशाली प्रदर्शन गर्दै अस्ट्रियालाई ३-० ले हराएर अन्तिम १६ मा स्थान सुरक्षित गरेको छ । लस एन्जलसमा गए राति भएको खेलमा स्पेनले सुरुदेखि अन्त्यसम्म खेलमा पूर्ण नियन्त्रण कायम राख्दै सहज जित निकाल्यो ।

खेलको सुरुआती केही मिनेट स्पेनले लय समात्न समय लगाए पनि त्यसपछि ‘ला रोजा’ ले लगातार आक्रमण बुन्दै अस्ट्रियामाथि दबाब बढायो । पहिलो हाफमा आयमेरिक लापोर्टको हेडर थोरैले बाहिरिएको थियो भने मार्क कुकुरेलाले कर्नरबाट गोल गरे पनि गोलकिपरमाथि फाउल भएको भन्दै रेफ्रीले गोल मान्यता दिएनन् ।