सुकुमवासीसँग गृहमन्त्रीले मागे माफी

गृहमन्त्री सुधन गुरुङले बालाजुस्थित दुईवटा होल्डिङ सेन्टरमा रहेका सुकुमवासीहरूसँग माफी मागेका छन्। बिहीबार होल्डिङ सेन्टरको अवलोकन गर्दै विगतमा भएका कमजोरीप्रति माफी मागेका हुन्।

आफू मन्त्रालयको कार्यभारमा नरहेका बेला सुकुमवासी वस्ती हटाइएको भए पनि सरकार उचित व्यवस्थापनप्रति गम्भीर रहेको उनले स्पष्ट पारे। ‘सरकारले कुनै पनि हालतमा तपाईंहरूको उचित व्यवस्थापन गर्नेछ, अहिले पनि हाम्रो ध्यान यसैमा केन्द्रित छ,’ उनले भने।