स्याङ्जामा ४ अर्ब ५८ करोड विनियोजन

स्याङ्जा।

स्याङ्जाका स्थानीय तहले संघीय सरकारबाट चार अर्ब भन्दा बढी अनुदान पाउने भएका छन् । अर्थ मन्त्रालयले सार्वजनिक गरेको आर्थिक वर्ष २०८३-८४ को अन्तर सरकारी वित्तीय हस्तान्तरण सम्बन्धी विवरण अनुसार जिल्लाका स्थानीय तहले ४ अर्ब ५८ करोड ९३ लाख अनुदान पाउने भएका हुन् । राष्ट्रिय प्राकृतिक श्रोत तथा वित्त आयोगको सिफारिसमा जिल्लाका ११ स्थानीय तहमध्ये ५ नगरपालिकालाई २ अर्ब ६३ करोड ५६ लाख र ६ गाउँपालिकालाई १ अर्ब ९५ करोड ३७ लाख गरी ४ अर्ब ५८ करोड ९३ लाख अनुदान दिने भएको हो । स्थानीय तहलाई समानीकरण, सशर्त, विशेष र समपुरक अनुदान अन्ततर्गत संघीय सरकारले अनुदान दिदै आएको छ ।