बाढीपहिरोले ३ खर्ब ८७ अर्बको क्षति, चार महिनाको पुनःस्थापनाका लागि ७ अर्ब ९५ करोड आवश्यक

भोटेकोशी तथा त्रिशूली बाढीपहिरोबाट विभिन्न क्षेत्रमा प्रारम्भिक रूपमा ३ खर्ब ८७ अर्ब ५४ करोड रुपैयाँ बराबरको क्षति भएको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ।

प्राधिकरणका कार्यकारी प्रमुख डा. धर्मराज उप्रेतीले बिहीबार आयोजित नियमित पत्रकार सम्मेलनमा भवन, सडक, कृषि, पशुपन्छी, बैंक तथा वित्तीय संस्था, दूरसञ्चारलगायत क्षेत्रमा गरिएको प्रारम्भिक मूल्याङ्कनबाट उक्त क्षति देखिएको जानकारी दिए।