तीन खर्बले बढ्यो सार्वजनिक ऋण

राजस्वले नियमित सरकारी खर्चसमेत धान्न नसकेपछि सरकारको ऋण बर्सेनि बढ्दै गएको छ। चालु आर्थिक वर्ष २०८२÷८३ को जेठसम्म सार्वजनिक ऋण करिब पौने तीन खर्ब रुपैयाँ थपिएको छ। सरकारले ऋण लिएर पुरानो ऋणको साँवाब्याज तिर्न नयाँ ऋण लिनुपर्ने बाध्यतामा छ। त्यसैगरी सरकारले ऋणबाट विकास खर्च, बजेट घाटा व्यवस्थापन गर्दै आएको छ।

सार्वजनिक ऋण व्यवस्थापन कार्यालयका अनुसार चालु आवको सुरुआतमा २६ खर्ब ७४ अर्ब चार करोड रुपैयाँ रहेको सार्वजनिक ऋण जेठ मसान्तसम्म दुई खर्ब ८७ अर्ब १४ करोड रुपैयाँले बढेर २९ खर्ब ६१ अर्ब १९ करोड रुपैयाँ पुगेको छ।