प्रधानमन्त्रीले भने- हामीले १२५९ प्रियजन गुमायौं, ५०८३ को खोजी जारी छ

१८ भदौ, काठमाडौं । प्रधानमन्त्री बालेन्द्र शाह(बालेन)ले बाढी प्रभावित क्षेत्रमा खोज तथा उद्धारका काम जारी रहेको बताएका छन् । बिहीबार राति फेसबुकमार्फत विपद् प्रतिकार्यबारेको जानकारी दिँदै उनले बाढीको सूचना पाएलगत्तै प्रभावित क्षेत्रमा खोज तथा उद्धारका लागि राज्यका सबै संयन्त्र सक्रिय बनाएको परिणाम ठूलो संख्यामा उद्धार सम्भव भएको दाबी गरेका हुन् ।

‘हालसम्म १२ हजार ३८ जनाको उद्धार गरिसकेका छौँ,’ उनले लेखेका छन्, ‘यति हुँदाहुँदै पनि हामीले एक हजार २५९ जना प्रियजनलाई गुमाएका छौँ । अझै पनि सम्पर्कविहीन ५ हजार ८३ जनाको खोजी जारी छ ।’ सँगसँगै प्रभावित मानिसहरूको विस्तृत तथ्यांक संकलन भइरहेको उनले बताएका छन् ।