नेपाल भारत सीमा छुट्याउने सिमलको रुख बाढीले बगायो

पश्चिम नवलपरासीको सुस्तामा नेपाल–भारत सीमाना छुट्याउन प्रयोग हुँदै आएको सिमलको रुख ढलेको छ। सुस्तास्थित थारुटोलको ठूलो सिमलको रुखलाई नेपाल–भारतको सीमा मानिँदै आएको थियो । नारायणी नदीमा आएको बाढीले बुधबार राति सीमा स्तम्भको रुपमा प्रयोग हुँदै आएको सिमलको रुख बगाइदिएपछि सीमा विवाद गहिरिने चिन्ता स्थानीयको छ।

नारायणी नदीको किनारमा रहेको सुस्तामा बर्षौदेखि नेपाल भारतबीच सीमा विवाद रहँदै आएको छ। सुस्तामा सीमा स्तम्भ नै नहुँदा सिमलको रुख, कलर्भड, तथा गोरेटो बाटोलाइ नै सीमाना मान्नु पर्ने बाध्यता छ ।