इरान युद्धका बीच ट्रम्पको ‘क्रिप्टो साम्राज्य’ : परिवारलाई अर्बौं डलर आम्दानी, लगानीकर्तालाई ठूलो नोक्सानी

काठमाडौं । इरानसँगको बढ्दो तनाव र विश्वव्यापी आर्थिक अनिश्चितताबीच अमेरिकी राष्ट्रपति डोनाल्ड ट्रम्प र उनको परिवारको आर्थिक गतिविधिबारे नयाँ बहस सुरु भएको छ । समाचार संस्था रोयटर्स ले प्रकाशित गरेको अनुसन्धानात्मक रिपोर्टअनुसार ट्रम्प परिवारले उनी पुनः राष्ट्रपति बनेयता विभिन्न व्यावसायिक गतिविधिमार्फत अर्बौं डलरबराबरको आम्दानी गरेको दाबी गरिएको छ ।

विश्वका धेरै मुलुकहरू युद्ध, आपूर्ति शृंखला अवरोध र महँगीको दबाबसँग जुधिरहेका बेला ट्रम्प परिवारको सम्पत्ति र व्यावसायिक विस्तारबारे प्रश्न उठ्न थालेका छन् । रिपोर्टअनुसार ट्रम्प परिवारले विशेषगरी क्रिप्टोकरेन्सी क्षेत्रबाट ठूलो आर्थिक लाभ लिएको उल्लेख गरिएको छ ।