‘खाल्टेको पाखातिर केही मान्छे पानी खानै नपाएर बिते’

१८ भदौ, रसुवा । उत्तरगया गाउँपालिका–४, खाल्टेका उर्जेन छिरिङ तामाङका ७ जना आफन्त भोटेकोशीमा आएको बाढीका कारण बेपत्ता भए । खाल्टे बगरमा बस्दै आएका उनका आफ्न्तसहित करिब २५७ परिवारलाई बाढीले बगायो । बाढीमा परेर केही घाइते भए । ती घाइतेहरू मध्ये केहीको उपचार नपाएरै मृत्यु भयो । जो मरेका व्यक्तिको लास भेटियो, तीनको शव उठाउन पनि समयै सरकारले अनुमति दिएन । परिवारिक वियोगको पीडामा रहेका उनी शव पनि उठाउन नपाएको स्थितिले विक्षिप्त र आक्रोशित छन् ।

बाढी पीडितहरुका लागि शिवालय आधारभूत विद्यालयमा राखिएको शिविरमा गत आइतबार अनलाइनखबरको टोली पुग्दा उनले राज्यलाई दमन नगर्न चेतावनी दिए ।