चीनले भन्यो : हिमाल र नदीले जोडिएको छिमेकीलाई जलवायु परिवर्तनको मुद्दामा सघाउन तयार छौँ

काठमाडौं – नेपालमा आएको विनाशकारी बाढीपछि विश्वका प्रमुख हरितगृह ग्यास उत्सर्जक राष्ट्रसँग जलवायु क्षतिपूर्ति माग्नुपर्न आवाज उठिरहेका बेला चीनले जलवायु परिवर्तन विश्वव्यापी चुनौती भएकाले यसको सामना सबैको सामूहिक प्रयासबाट गर्नुपर्ने जनाएको छ ।

चीनको विदेश मन्त्रालयका प्रवक्ता गुओ जियाकुनले चीन जलवायु परिवर्तनका कारण उत्पन्न नकारात्मक प्रभाव न्यूनीकरणका लागि नेपाल तथा अन्तर्राष्ट्रिय समुदायसँग सहकार्य गर्न तयार रहेको बताएका छन् ।