सीमापार हात्ती नियन्त्रणमा भारत–नेपालको छलफल

झापा । झापाको मेचीनगर नगरपालिका–४ बाहुण्डाँगीसहित सीमावर्ती क्षेत्रमा वर्षौंदेखि दोहोरिँदै आएको मानव–हात्ती द्वन्द्व न्यूनीकरणका लागि नेपाल र भारतका स्थानीय सरोकारवालाले संयुक्त पहल अघि बढाएका छन् । सीमावर्ती क्षेत्रमा रातको समयमा नेपालतर्फका बस्तीमा प्रवेश गरी बालीनाली, घर तथा अन्य सम्पत्तिसँगै मानवीय क्षति पु¥याउने गरेका छन् ।

सीमापार आवतजावत गर्ने जङ्गली हात्तीका कारण हुने जनधन क्षति घटाउन दुवै देशका निकायबीच संयुक्त कार्ययोजना बनाउने विषयमा भारतको पश्चिम बंगालस्थित दार्जिलिङ जिल्लाको नक्सालबारीमा छलफल भएको छ ।