कांग्रेसभित्रको कलहले बागमती सरकार सङ्कटमा, बजेट रोकेरै नेतृत्व फेर्ने तयारी

मकवानपुर । बागमती प्रदेश सरकारमा नेपाली कांग्रेसभित्रको कलह उत्कर्षमा पुगेको छ । कांग्रेसका बागमती प्रदेश सभापति इन्द्रबहादुर बानियाँ नेतृत्वको सरकारविरुद्ध कांग्रेसकै सहमहामन्त्री बहादुर सिंह लामा समूहले घेराबन्दी सुरु गरेको हो ।

बजेटमाथिको विवादलाई केन्द्रमा राखेर पूर्वमुख्यमन्त्री समेत रहेका लामा नेतृत्वको समूहले घेराबन्दी थालेको हो । लामा पक्षीय सांसदहरूले आफ्नै नेतृत्वको सरकारविरुद्ध घेराबन्दी गर्दै बजेट पारित हुन नदिने रणनीति अख्तियार गरेको देखिन्छ ।