उजाड मसटारमा वरदान बन्यो सिंचाइ कुलो

धाादिङ । कहिले पानी पर्ला भनी आकाश हेरेर बस्नुपर्ने अवस्था थियो । पानी राम्रोसँग नपरेको समयमा खेतीपाती तथा तरकारी फलाउन कठिन थियो । केही खेतवालाले मात्र त्रिशूली नदीको पानी तानेर सिंचाइ सुविधा पु¥याएका थिए ।

दक्षिणी धादिङको गल्छी गाउँपालिका–०१, मसटारका कृषकहरूको दैनिकी निकै कष्टकर थियो । खेतीयोग्य जमिन भए पनि भरपर्दो सिंचाइ प्रणाली नहुँदा कृषकहरू मौसमी पानीकै भर पर्नुपर्ने बाध्यता थियो । यसले गर्दा कृषि उत्पादन र उत्पादकत्व निकै कमजोर थियो । पानीको अभावले सबैभन्दा ठूलो मार महिला कृषकलाई पारेको थियो, किनभने कृषि श्रमशक्तिको प्रमुख हिस्सा महिलाहरू नै हुन् । उनीहरुले कठिन अवस्था भोग्नुपरेको स्थानीय कृषक मैयाँ हमालले बताउनुभयो ।