राष्ट्र बैंककै अध्ययन भन्छ : नेपालको हरेक ‘क्रेडिट बुम’ले अर्थतन्त्रमा क्राइसिस ल्यायो

काठमाडौं । नेपालको बैंकिङ क्षेत्रका हरेक ‘क्रेडिट बुम’ ले अर्थतन्त्रमा ‘क्राइसिस’ ल्याएको एक अध्ययनले देखाएको छ । सन् १९९० यता अर्थात् पछिल्लो ३५ वर्षको अवधिमा तीनपटक ठूला ‘क्रेडिट बुम’ (अत्यधिक कर्जा विस्तार) भएको र ती सबै ‘क्रेडिट बुम’ ले अर्थतन्त्रमा नकारात्मक असर पारेको उक्त अध्ययनको निष्कर्ष छ ।

नेपाल राष्ट्र बैंकका कार्यवाहक निर्देशक बीरेन्द्रबहादुर बुढाले तयार गरेको शोधपत्र ‘एन एनाटोमी अफ नेपाल क्रेडिट बुम १९९०–२०२५’ मा पछिल्लो ३५ वर्षमा ‘सन् १९९४–९६’, ‘२००८–२०१०’ र ‘२०२०–२०२२’ को अवधिमा नेपालमा तीव्र कर्जा विस्तार भएको उल्लेख छ ।