चीनको आक्रमणको काल्पनिक परिदृश्यमा ताइवानको युद्ध तयारी अभ्यास

एजेन्सी । ताइवानका लागि यो एउटा भयावह परिदृश्य थियो—चीनले नाकाबन्दी गर्ने, त्यसैबीच आएको शक्तिशाली भूकम्पको अवसरलाई बेइजिङले अराजकता फैलाउन प्रयोग गर्ने, टेलिभिजन प्रसारण नियन्त्रणमा लिने, पूर्वाधारमा तोडफोड गर्ने, बैंकहरूमा एकैपटक निक्षेप झिक्ने भिड लाग्ने, नागरिक अशान्ति फैलिने र अन्ततः पूर्णस्तरको सैन्य आक्रमण हुने ।

यही क्रमिक संकटलाई आधार बनाएर यस साता मध्य ताइवानमा ३७० भन्दा बढी सरकारी तथा सैन्य अधिकारीलाई अभ्यास गराइएको थियो । लोकतान्त्रिक शासन व्यवस्थाअन्तर्गत रहेको ताइवानमाथि चीनको बढ्दो सैन्य दबाबका बीच राष्ट्रपति लाइ छिङ–तेले युद्ध तयारीलाई सुदृढ बनाउने अभियानका रूपमा यो अभ्यास सञ्चालन गरेका हुन् ।