वकिलहरुले अदालतमा न्यायको खोजीका लागि दिउँसै लालटिन जुलुस निकाल्ने

काठमाडौं । नेपाल बार एसोसिएसनले आज न्यायको खोजीका लागि दिउँसै लालटिन जुलुस निकाल्ने निर्णय गरेको छ । बार महासचिव केदार कोइरालाका अनुसार बार परिसरमा कानुन व्यवसायीको विरोधसहित न्याय, विवेक र स्वच्छ प्रक्रियाको खोजी गर्ने निर्णय भएको हो ।

सर्वोच्च अदालत प्रशासनले रिट र निवेदनहरू दर्ता गर्न अस्वीकार गरेको विरोधमा लालटिन जुलुस गर्न लागिएको बार महासचिव कोईरालाले बताए । सर्वोच्च अदालतसमक्ष पर्न आएका रिट निवेदन र निवेदनहरू दर्ता नगरी सर्वोच्च अदालत प्रशासनबाटै दरपीठ गरी फर्काएका कारण न्यायमार्गमा अवरोध भएको बारको ठहर छ ।